Më 21 janar 2026, asistenti ynë, Ass. Vllaznim Mula, përfundoi me sukses mbrojtjen publike të disertacionit të doktoratës në Universitetin “Shën Kirili dhe Metodi”, Fakulteti i Shkencave Natyrore dhe Matematike, Departamenti i Kimisë.

Disertacioni, me titull:

“Vlerësimi dhe karakterizimi i komponimeve organike të avullueshme në ajrin e brendshëm dhe të jashtëm duke përdorur mostrimin pasiv dhe teknika analitike të avancuara”,

është zhvilluar nën mentorimin e Prof. Dr. Zoran Zdravkovski dhe bashkëmentorimin e Prof. Dr. Jane Bogdanov.

Një pjesë e rëndësishme e hulumtimit është realizuar në Universitetin e Milanos, nën udhëheqjen e Prof. Dr. Giangiacomo Beretta, në kuadër të projektit NanoKos, të financuar nga Bashkimi Evropian, duke i dhënë punimit një dimension ndërkombëtar dhe shkencor.

Fakulteti ynë i uron Ass. Vllaznim Mula shumë sukses në karrierën e tij profesionale dhe shkencore dhe shpreh krenarinë për këtë arritje të jashtëzakonshme!