Më datë 25 nëntor 2024, Klubi Letrar "Gjurmët e Penës" organizoi një Orë Letrare për të nderuar dy ngjarje historike që përbëjnë themelet e identitetit dhe shpirtit kombëtar shqiptar: 22 Nëntorin, Ditën e Alfabetit, dhe 28 Nëntorin, Shpalljen e Pavarësisë së Shqipërisë.

Ky organizim solli krijimtarinë e studentëve, duke përfshirë punime, ese, poezi dhe pikturë. Gjatë aktivitetit, i pranishëm ishte Prodekani i Fakultetit të Filologjisë, Prof. Dr. Kamber Kamberi, i cili mbajti një fjalë rasti, si dhe stafi akademik i degëve të Filologjisë dhe Edukimit.

Organizatorja e ngjarjes, Arjeta Nikçi, theksoi se organizime të tilla tashmë janë bërë një traditë e Klubit Letrar "Gjurmët e Penës", duke kontribuar në ruajtjen dhe promovimin e vlerave kombëtare përmes artit dhe krijimtarisë letrare.