Fakulteti i Edukimit nga Universiteti “Fehmi Agani” në Gjakvë  në kuadër të aktiviteteve për kontribut në shoqëri, ka organizuar sot një punëtori informuese dhe praktike  me nxënësit e Gjimnazit “Hajdar Dushi” në Gjakovë, me temë “Orientimi në Karrierë dhe Planifikimi i së Ardhmes Profesionale”. Qëllimi i këtij aktiviteti ishte të mbështesë të rinjtë në procesin e zgjedhjes së drejtimit të duhur akademik dhe profesional, duke u ofruar udhëzime konkrete për hapat e parë drejt karrierës së tyre.

Gjatë ëorkshopit, pjesëmarrësit patën mundësinë të:

• njihen me profesionet dhe mundësitë që ofrohen pas arsimit të mesëm,
• kuptojnë rëndësinë e vetëvlerësimit, motivimit dhe aftësive personale në karrierë,
• marrin informacione praktike mbi orientimin profesional dhe tregun e punës,
• diskutojnë me profesorë, ekspertë dhe studentë të Fakultetit të Edukimit.

Në hapje të aktivitetit, përfaqësues tw Fakultetit të Edukimit theksuan rëndësinë e mbështetjes së të rinjve në fazën e vendimmarrjes për studimet dhe karrierën, duke nënvizuar se investimi në orientimin e hershëm profesional rrit shanset për zhvillim personal, akademik dhe ekonomik të të rinjve në vend.

Fakulteti i Edukimit I Universitetit “Fehmi Agani” në Gjakovë do të vazhdojë të mbështesë aktivitete të ngjashme edhe në të ardhmen, duke forcuar bashkëpunimin me shkollat e mesme dhe duke kontribuar në përgatitjen e gjeneratave me vizion të qartë profesional.