![Asistenti Vllaznim Mula realizon një vizitë dy mujore në Universitetin e Milanos (UNIMI) në Itali](/images/lajmet/37726-FOTO 1 (5).jpg)
Asistenti Vllaznim Mula realizon një vizitë dy mujore në Universitetin e Milanos (UNIMI) në Itali
Asistenti Vllaznim Mula është aktualisht duke qëndruar për një vizitë dy mujore (Qershor dhe Korrik) në Universitetin e Milanos (UNIMI) në Itali. Ai po punon në Departamentin e Shkencave Mjedisore dhe Politike, nën mentorimin e Profesorit Giangiacomo Beretta, në kuadër të një praktike profesionale të projektit NanoKos, me titull “Nanoparticles in Environment and Medical Research,” nga Komisioni Evropian me referencë EUROPEAID/173691/DD/ACT/XK.
Gjatë kësaj periudhe, Asistenti Mula bashkëpunon me ekspertët kryesorë në fushën e mjedisit, duke fituar aftësi praktike në përdorimin e teknologjive më të avancuara. Ai po kontribuon në projekte kërkimore inovative së bashku me stafin e Universitetit të Milanos.
Puna hulumtuese e realizuar gjatë kësaj praktike pritet të publikohet në revista prestigjioze ndërkombëtare me faktor impakti të lartë. Në këto publikime, adresa e universitetit tonë do të përfshihet në afiliacione, duke ndikuar pozitivisht në ranglistën botërore të universitetit tonë.
Universiteti ynë gjithmonë mbështet stafin për bashkëpunime të tilla që ndikojnë në përmirësimin e cilësisë së arsimit dhe kërkimit shkencor. Pas kthimit të tij, Asistenti Mula do të ndajë idetë dhe përvojat e fituara gjatë praktikës me pjesën tjetër të stafit akademik, duke kontribuar kështu në avancimin e mëtejshëm të kapaciteteve tona akademike dhe kërkimore.